ချမ်းသာကြီးဘုရား

ချမ်းသာကြီးဗုဒ္ဓရုပ်ပွားတော်သည် ရွှေတိဂုံရင်ပြင်တော် ရာဟုအရပ် အောင်မြေအနီးရှိ ၁၈၈၂ ခုနှစ်တွင် ဦးစံထွန်း+ဒေါ်နှစ်တို့လှူဒါန်းခဲ့သော တန်ဆောင်းအတွင်း သီတင်းသုံးတော်မူသည်။ ချမ်းသာကြီးဗုဒ္ဓရုပ်ပွားတော်မြတ်ကြီးကို ပန်းပုဆရာကြီး ဆရာဉာဏ်က ထုလုပ်ခဲ့သည်။ ယခင်က နေပူခံဘုရားကြီးဟု ခေါ်ဝေါ်ခဲ့ကြသည်။
ချမ်းသာကြီးဗုဒ္ဓရုပ်ပွားတော်မြတ်ကြီးသည် ဉာဏ်တော်အမြင့် ပေ ၃၀ ကျော်ရှိပြီး ရွှေတိဂုံစေတီတော်ရှိ ရုပ်ပွားတော်များအနက် ဉာဏ်တော်အမြင့်ဆုံးနှင့် အရွယ်အစားအကြီးဆုံး ရုပ်ပွားတော်မြတ်ကြီး ဖြစ်သည်။