နဝလောဟရတနာပါဒစေတီ

ဂေါပက အဖွဲ့ဝင်ဦးတင်ဝနှင့် ဦးဌေးလှိုင်တို့အား တာဝန်ပေးအပ်ပါသည်။ ဗုဒ္ဓခြေတော်ရာ နှစ်ဆူအား အများပြည်သူ လှူဒါန်းထားသော ကြေးခေါင်းလောင်း၊ ကြေးဆွဲလဲများနှင့် မန္တလေးမြို့၊ တမ္ပဝတီရပ်ရှိ ပြည့်ဝ (မြန်မာ့လက်မှုကြေးသွန်းအနုပညာလုပ်ငန်း) အား လုပ်ငန်းအပ်နှံသွန်းလုပ်စေခဲ့ရာ ၂၀၂၃ ခုနှစ် အောက်တိုဘာလ ၁၂ ရက်နေ့တွင် ပြီးစီးပါသည်။ ဗုဒ္ဓခြေတော်ရာနှစ်ဆူသွန်းလောင်းရာတွင် အလှူရှင်များ လှူဒါန်း ထားသော သတ္ထု (၉)မျိုး ဓာတ်လုံးများ နှင့် ရွှေစင်ရွှေသား (၃၇)ကျပ်သားခန့် ထည့်သွင်းသွန်းလောင်းထားပါသည်။ ဗုဒ္ဓခြေတော်ရာနှစ်ဆူကို အောက်တိုဘာလ (၁၄)ရက်နေ့တွင် မန္တလေးမြို့မှ ရန်ကုန်သို့ ပင့်ဆောင်ခဲ့ပြီး ရွှေတိဂုံ စေတီတော်၊ ဗောဓိမဏ္ဍိုင်တန်ဆောင်းအတွင်းရှိ ရွှေပလ္လင်တော်ထက်တွင် ပူဇော်ထားကာ အောက်တိုဘာလ (၁၉) ရက်နေ့တွင် ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့၏ ဩဝါဒါစရိယဆရာတော်ကြီး (၁၁)ပါး၊ ပင့်သံဃာတော် (၁၂)ပါးတို့နှင့် ဗုဒ္ဓါဘိသေကအနေကဇာတင်တော်မူ၍ အလှူတော် ရေစက်ချအခမ်းအနား ကျင်းပပါသည်။ ဗုဒ္ဓခြေတော်ရာ နှစ်ဆူကိန်းဝပ်စံပါယ်တော်မူရာ ရွှေပလ္လင်တော်၏ ဌာပနာတိုက်တွင် ဓာတ်တော်မွေတော်များ၊ သတ္တဌာန အထိမ်းအမှတ်ငွေထည်များ၊ ဒေသနာတော်များရေးထိုးပူဇော်ထားသော Gold Steel ပြား၊ ဗုဒ္ဓဂယာမှ အောင်မြေနှင့် မဟာဗောဓိညောင်ရွက်များ၊ ရွှေငွေကျောက်သံပတ္တမြားနှင့် ရတနာများကို ဌာပနာထည့်သွင်း ထားပါသည်။ ဗုဒ္ဓခြေတော်ရာနှစ်ဆူအား အနန္ဒဇိနမူနှင့် ကိုက်ညီစွာ သွန်းလောင်းထားပြီး အတိုင်းအတာမှာ အလျား ၅ ပေ ၆ လက်မ၊ အနံ ၂ ပေ ၄ လက်မ၊ အထူ ၂ လက်မရှိ၍ အလေးချိန်မှာ ဝဲခြေတော်ရာသည် (၆၉)ပိဿာ နှင့် လက်ယာခြေတော်ရာသည် (၇၁)ပိဿာ ရှိပါသည်။