ဘိုးမင်းခေါင်ရုပ်တု

၁၉၈၃ ခုနှစ်အထိ ဘိုးမင်းခေါင်ရုပ်တုသည် ရင်ပြင်တော်အရှေ့ဘက် လေးတိုင်စင်တန်ဆောင်းအနီး ဆင်၊ ကျောက်ထီးဘုရားများရှိသော နေရာတွင် ရှိခဲ့ပါသည်။ ဘိုးမင်းခေါင်ရုပ်တုအား ရှိခိုးသောအခါ ရွှေတိဂုံစေတီတော်ကြီးအား ‌နောက်ကျောပေး၍ ရှိခိုးနေရသောကြောင့် ဂေါပကအဖွဲ့က အလယ်ပစ္စယာသို့ ရွှေ့ခဲ့ပြီး ယခုလက်ရှိနေရာ တနင်္ဂနွေထောင့်သို့ ပြောင်းရွှေ့ခဲ့ပါသည်။ ၁၉၉၉ ခုနှစ်မတိုင်မီ ဘိုးမင်းခေါင်ရုပ်တုသည် အမိုးအကာမရှိ ဟင်းလင်းပြင်တွင် ထားရှိသည်။ ၄ ပေအမြင့်ခန့် သံပန်းကာထားသည်။ ရှေ့တွင် ၄ လက်မအမြင့်ခန့် ကွပ်ပျစ်ခုံထားရှိသည်။